დაბა ლაითურის საჯარო სკოლის მასწავლებლებს ტრენინგში წარმატებული მონაწილეობისთვის კომპიუტერები გადაეცათ
26-08-2021
ოზურგეთის მუნიციპალიტეტის დაბა ლაითურის საჯარო სკოლის სამ პედაგოგს, აშშ-ს სახელმწიფო დეპარტამენტის მიერ დაფინანსებულ პროექტში – „სამოქალაქო განათლება და ტექნოლოგიები ინგლისური ენის გამოყენებით“ (CTEL) წარმატებული მონაწილეობისათვის, საჩუქრად პლანშეტური კომპიუტერები გადაეცა.
პროგრამაში მონაწილეობდნენ:
- ნინო ქუთათელაძე;
- პაატა გაზაშვილი;
- ცაცა ქვილორია.
აღნიშნული პროგრამის მიზანია ინგლისური ენის, სამოქალაქო განათლების და ტექნოლოგიების კონტენტის ერთ გაკვეთილში ინტეგრირება და ინგლისური ენის პედაგოგების ენობრივი კომპეტენციების ზრდა. ტრენინგი 42-საათაინი იყო. პედაგოგებმა მიღებული ცოდნა პრაქტიკაშიც გამოიყენეს.
ოზურგეთში ტრენინგებს ამერიკელი სპეციალისტი თომა მალეტი, ადგილობრივ ტრენერებთან – ნათია სურგულაძესთან, მარინა გოგუაძესთან და ელენე ბურჭულაძესთან ერთად უძღვებოდა.
სკოლების სიახლეები
