ხაშურის მუნიციპალიტეტის სოფელ ბროლოსნის საჯარო სკოლაში უამრავი ნიჭიერი და წარმატებული მოსწავლე სწავლობს , რომელთა თითოეულ მიღწევას სკოლა საზოგადოებას დიდი სიამაყით უზიარებს. 

ბროლოსნის საჯარო სკოლის მე-12 კლასის მოსწავლე, გიგა ოდიკაძე ჭაბუკ ძალოსანთა ევროპის ჩემპიონატის გამარჯვებული გახდა. სკოლის მოსწავლე, გიგა ოდიკაძემ პოლონეთში მიმდინარე ჭაბუკ ძალოსანთა ევროპის ჩემპიონატზე ატაცში 79/82/84 კგ დაძლია და ოქროს მედლის მფლობელი გახდა. აკვრაში ქართველმა ძალოსანმა 94/99/102 კგ. დააფიქსირა და ვერცხლის მედალი მოიპოვა. ორჭიდის ჯამში გიგამ 186 კგ დაძლია და ევროპის ჩემპიონი გახდა.

ბროლოსნის საჯარო სკოლის პედაგოგიური კოლექტივი ულოცავს გიგა ოდიკაძეს ამ დიდ გამარჯვებას და კიდევ მრავალ წარმატებას უსურვებს.

იხილეთ ფოტო: