თბილისის N167 საჯარო სკოლის მოსწავლეებმა და პედაგოგმა საერთაშორისო პროექტში წარმატებით მიიღეს მონაწილეობა
11-08-2021
თბილისის N167 საჯარო სკოლის მოსწავლეებმა და პედაგოგმა, რუსუდან გორგაძემ საერთაშორისო პროექტში წარმატებით მიიღეს მონაწილეობა.
სკოლის მე-2 და მე-6 კლასის მოსწავლეებმა eTwinning-ის პროექტში - Where is my place in the digital world? - მიიღეს მონაწილეობა.
პროექტი 23 იანვრიდან 20 ივნისამდე, ინგლისურ ენაზე მიმდინარეობდა. მასში პოლონელი, თურქი და ქართველი 17 სკოლის 19 მასწავლებელი და 117 მოსწავლე იყო ჩართული.
პროექტი მიზნად ისახავდა მოსწავლეებში:
- ციფრული წიგნიერების და დეზინფორმაციის შესახებ ცნობიერების ამაღლებას;
- კიბერ უსაფრთხოებას;
- ტექნოლოგიის უსაფრთხოდ და ეფექტურად გამოყენების უნარის განვითარებას;
- დემოკრატიული კომპეტენციის განვითარება.
პროექტის ფარგლებში საინტერესო აქტივობები განხორციელდა, კერძოდ:
- მოსწავლეების მიერ ავატარების დამზადება;
- პროექტის ლოგოს კონკურსი;
- ციფრული მოქალაქეობის შესახებ სწავლება:
ბ) პირადი მონაცემების უსაფრთხოება;
გ) ინტერნეტი და მისი დადებითი მხარეები;
დ) გაეროს ბავშვთა ფონდის ანგარიშის გაცნობა მსოფლიოს ბავშვების მდგომარეობის შესახებ;
ე) კიბერბულინგის ფენომენი და მისი პრევენციის / აღმოფხვრის გზები.
პრეზენტაცია მასწავლებელთა თანამშრომლობით მომზადდა. პროექტში მონაწილე მოსწავლეებმა jigsawplanet.com–ზე თავსატეხი შექმნეს და პარტნიორ თანატოლებს გაუგზავნეს.
სკოლების სიახლეები
