„თითოეული მიღწევა წარმატებაა“ - ქუთაისის იოსებ ოცხელის სახელობის N2 საჯარო სკოლის კურსდამთავრებული
09-08-2021
რა არის მისთვის წარმატება, როგორ იხსენებს პირველ მასწავლებელს და რომელია მისი სამაგიდო წიგნი? ამ და სხვა საინტერესო საკითხებთან დაკავშირებით ბლიც-ინტერვიუ ამჯერად, ქუთაისის იოსებ ოცხელის სახელობის N2 საჯარო სკოლის კურსდამთავრებულთან, ფეფო ჯანგავაძესთან შედგა:
- წარმატება არის...
- წარმატება ოცნებების მიზნებად გადაქცევა, ხოლო შემდეგ ამ მიზნების შესრულებაა. თითოეული მიღწევა წარმატებაა, თუნდაც ძალიან უბრალო და უმნიშვნელო დეტალებიც კი.
- ჩემი სკოლა მახსენებს...
- ჩემი სკოლა ჩემს ბავშვობას მახსენებს. სკოლაში გატარებული თითოეული წელი ჩემთვის უმნიშვნელოვანესი და სახალისო ისტორიებით დატვირთულია.
- ჩემი პირველი მასწავლებელი...
- ჩემი პირველი მასწავლებელი იყო ციალა ჯაფარიძე, რომელმაც უამრავი რამ მასწავლა, რაც ცხოვრების ბოლომდე სასიამოვნოდ გამყვება. ამაყი ვარ, რომ მისი აღსაზრდელი ვარ.
- მოსწავლე რომ ვიყავი. . .
- როცა მოსწავლე ვიყავი ძალინ ბევრი ოცნება მქონდა. შემდეგ ამ პატარა ოცნებების მიზნებად გადაქცევა ვისწავლე, რაშიც სკოლაში მყოფი თითოეული ადამიანი დამეხმარა.
- ჩემი სამაგიდო წიგნი...
- ანტუან დე სენტ ეგზიუპერის - „პატარა უფლისწული“
- ზაფხულში ვცდილობ...
- ვცდილობ დადებითი ენერგიებით დავიმუხტო და ახალ ლიტერატურას გავეცნო.
- ფრაზა, რომელიც ხშირად მახსენდება...
- ფრაზები ძალიან მიყვარს და ძალინ ბევრ ფრაზას ჩემთვის უდიდესი დატვირთვა აქვს, თუმცა გამოვარჩევდი ასევე „პატარა უფლისწულში“ ავტორის მიერ გამოყენებულ ფრაზას: „მხოლოდ გულით ხედავენ კარგად, მთავარი უხილავია თვალთაგან“.
იხილეთ ფოტო:
სკოლების სიახლეები
