ქალაქ ოზურგეთის N3 საჯარო სკოლის კურსდამთავრებულები წარმატებით აბარებენ ერთიან ეროვნულ გამოცდებს. 

აბიტურიენტები მარიამ ჩხაიძე, მარიამ სიამაშვილი, ლიზი ჩანჩიბაძე, ცისია სარიშვილი, მიხეილ მესხიშვილი და თორნიკე ბოლქვაძე სკოლის ოქროს მედლის კანდიდატებიც არიან. 

სკოლა ამაყობს თავისი კურსდამთავრებულებით და წარმატებას უსურვებს მათ. 

შეგახსენებთ, რომ ერთიანი ეროვნული გამოცდები 1 ივლისს ქართული ენისა და ლიტერატურის გამოცდით დაიწყო და 2 აგვისტოს დასრულდა.

ერთიან ეროვნულ გამოცდებზე მიღებული ქულების გამოქვეყნება 2 აგვისტოდან დაიწყო.

ცნობისთვის, ოქროს მედალი სკოლის კურსდამთავრებულებს იმ შემთხვევაში გადაეცემათ, თუ მათი საშუალო საფეხურის საერთო ქულა იქნება 10 დამრგვალების გარეშე. მოსწავლე, რომლის საშუალო საფეხურის საერთო ქულა იქნება 9.8, ვერცხლის მედალს მოიპოვებს.