ახალციხის მუნიციპალიტეტის სოფელ კლდის საჯარო სკოლის საშუალო საფეხურის მოსწავლეები პროექტ „კინო სკოლაში“ ჩაერთვნენ.

პროექტის მიზანია კინოხელოვნების პოპულარიზაციის გზით მოზარდებში ანალიტიკური აზროვნებისა და შემოქმედებითი უნარების განვითარება. 

„შექმნილი სიტუაციის გათვალისწინებით 2021 წლის პროექტის გაზაფხულის სეზონი განხორციელდა ონლაინ გაკვეთილების სახით. ამის საშუალებას იძლევა პლატფორმა „კინოს კუთხე“ (THE FILM CORNER), რომელიც ევროპის 6 ქვეყნისთვის (მათ შორის საქართველოსთვის) არის ხელმისაწვდომი“, - აღნიშნულია სკოლის ინფორმაციაში. 

პროექტი კინემატოგრაფიის ეროვნული ცენტრის, განათლებისა და მეცნიერების, სამინისტროს მხარდაჭერით განხორციელდა.