ახალქალაქის მუნიციპალიტეტის სოფელ ტურცხის საჯარო სკოლის მერვე კლასის მოსწავლე ამირან პიჭიკიანმა საქართველოს ეროვნულ ინტელექტ-ჩემპიონატ „ეტალონის“ 2021 წლის პირველი პერიოდის შემაჯამებელ კონკურსში იასპარეზა.
აღსანიშნავია, რომ ამირან პიჭიკიანი დასკვნით ღონისძიებაში ახალქალაქის მუნიციპალიტეტის სახელით მონაწილეობდა. იგი „ახალქალაქის ეტალონი მოსწავლის“ ტიტულს ატარებს.
სკოლა ამაყობს მოსწავლის წარმატებით და მას უფრო მეტ წინსვლას უსურვებს.
ინტელექტ-ჩემპიონატ „ეტალონის“ 2021 წლის პირველი პერიოდის ღონისძიება-კონკურსი დისტანციურ ფორმატში ჩატარდა. ღონისძიებას ავტორი და წამყვანი გოჩა ტყეშელაშვილი გაუძღვა, მონაწილეები კი კონკურსს ვიდეოპლატფორმის საშუალებით მუნიციპალიტეტებიდან ჩაერთვნენ.
მიმდინარე წლის ივნისიდან ახალი, დისტანციური ფორმატით და ტრადიციულად, საქართველოს განათლებისა და მეცნიერების სამინისტროს მხარდაჭერით საქართველოს ეროვნული ინტელექტ-ჩემპიონატის „ეტალონი“ ფარგლებში 22 მუნიციპალიტეტის „ეტალონი“ მოსწავლე გამოვლინდა.
„ეტალონი მოსწავლეები“ თავის მხრივ, მუნიციპალიტეტებში ჩატარებული პირველი და მეორე ეტაპების დისტანციური კონკურსების შედეგად შეირჩნენ.
