სიღნაღის მუნიციპალიტეტის სოფელ ბოდბისხევის საჯარო სკოლის მოსწავლეებმა საგრანტო კონკურსში გაიმარჯვეს.
გრანტი RDFG-იმ „სოფლის განვითარება სოციალური მეწარმეობით” - პროექტის ფარგლებში გაიცა. პროექტის ფარგლებში საქართველოს ხუთ რეგიონში 37 წარმატებულ მონაწილეს ინდივიდუალური და ჯგუფური მცირე გრანტი გადაეცა.
ბოდბისხევის საჯარო სკოლის გამარჯვებული მოსწავლეები არიან:
- თეკლა გელაშვილი;
- თეონა კოკილაშვილი.
აღნიშნული პროექტი სკოლის მე-9-მე-12 კლასის მოსწავლეებში არაფორმალური განათლების მეშვეობით სოციალური მეწარმეობის შესახებ ცნობიერების ამაღლებას, შესაბამისი უნარ-ჩვევების მიღებასა და სოციალურ მეწარმეობაში სოფლად არსებული თემების რესურსების გამოყენების ინტეგრირების მნიშვნელობის გააზრებას ისახავს მიზნად.
შემფასებელი კომისია დაკომპლექტებული იყო საქართველოში არსებული წარმატებული სოციალური საწარმოებისა და ახალგაზრდულ საკითხებზე მომუშავე ორგანიზაციების წარმომადგენლებით. 11 სფეროში გადანაწილდა გამარჯვებული მონაწილეების მიერ წარმოდგენილი სოციალური მეწარმეობის დაფუძნების იდეები.
აღსანიშნავია, რომ ამ პროექტში აქტიურადაა ჩართული საქართველოს ხუთი რეგიონი - აჭარა, რაჭა-ლეჩხუმი და ქვემო სვანეთი, შიდა ქართლი, კახეთი, და მცხეთა-მთიანეთი.
იხილეთ ფოტოები:
