ცაგერის მუნიციპალიტეტის სოფელ ორბელის საჯარო სკოლის მოსწავლე ლიკა სვანიძე ერთ-ერთია ვისმა სოციალური მეწარმეობის პროექტმა გრანტი მიიღო.
მოსწავლე პროექტში - „სოფლის განვითარება სოციალური მეწარმეობით” მონაწილეობდა.
პროექტი სკოლის მე-9-მე-12 კლასის მოსწავლეებში არაფორმალური განათლების მეშვეობით სოციალური მეწარმეობის შესახებ ცნობიერების ამაღლებას, შესაბამისი უნარ-ჩვევების მიღებასა და სოციალურ მეწარმეობაში სოფლად არსებული თემების რესურსების გამოყენების ინტეგრირების მნიშვნელობის გააზრებას ისახავს მიზნად.
პროექტს „სოფლის განვითარება სოციალური მეწარმეობით“ ასოციაცია სამხარეო განვითარება მომავალი საქართველოსთვის (RDFG) ChildFund Deutschland-თან თანამშრომლობითა და გერმანიის საგარეო საქმეთა სამინისტროს დაფინანსებით ახორციელებს.
RDFG-იმ „სოფლის განვითარება სოციალური მეწარმეობით” პროექტის ფარგლებში საქართველოს ხუთ რეგიონში 37 წარმატებულ მონაწილეს ინდივიდუალური და ჯგუფური მცირე გრანტი გადასცა.
იხილეთ ფოტოები:
