იოკიმე ბალახაშვილის სახელობის ადიგენის მუნიციპალიტეტის სოფელ უდის N1 საჯარო სკოლაში 2020-2021 სასწავლო წელი წარმატებით დასრულდა. სკოლაში ბევრი ნიჭიერი მოსწავლე სწავლობს, რომელთა ყოველ წარმატებას სკოლა საზოგადოებას სიხარულით უზიარებს.

მშობლიური სკოლა ამჯერად მე-7 კლასის მოსწავლემ, მარიამ მერაბიშვილმა ასახელა, რომელმაც მონაწილეობა Erasmus-ის გაცვლით პროგრამაში მიიღო და ბულგარეთში ერთ კვირიანი საგზური მოიპოვა. მარიამი ბულგარეთში, ინგლისური ენის ცოდნის გაღრმავების სწავლების კურსს გაივლის.

უდის N1 საჯარო სკოლა ულოცავს მარიამს ამ წარმატებას და იმედოვნებს მისი მაგალითი სხვა მოსწავლეებისთვისაც გახდება მისაბაძი და სამაგალითო.