ანდრია რაზმაძის სახელობის ქუთაისის N41 ფიზიკა - მათემატიკის საჯარო სკოლაში ბევრი ნიჭიერი მოსწავლე სწავლობს, რომელთა ყოველ მიღწევას სკოლა საზოგადოებას სიხარულითა და სიამაყით უზიარებს.
სკოლა, ამჯერად მე-11 კლასის მოსწავლეების, გრიგოლ ცირეკიძის და დუტა ქართველიშვილის, წარმატებას გვაცნობს.
ევროპის ფიზიკის ოლიმპიადა (EUPHO) წელს 19-26 ივნისს ონლაინ რეჟიმში ჩატარდა და მასში 46 ქვეყნის წარმომადგენელი მონაწილეობდა.
საქართველოს ნაკრების წევრები, თბილისის კომაროვის სახელობის ფიზიკა - მათემატიკის სკოლის 3 მოსწავლესთან ერთად, მე - 11 კლასელები: გრიგოლ ცირეკიძე და დუტა ქართველიშვილი იყვნენ (ნაკრების მწვრთნელები - დავით ნიშნიანიძე, თემურ კალატოზი და გიორგი ძაძამია).
ნაკრების წევრებმა წარმატებით იასპარეზეს, ხუთი მედალი მოიპოვეს და ევროპის ფიზიკის ოლიმპიადაზე საქართველოსთვის ერთ-ერთი საუკეთესო შედეგი აჩვენეს.
გრიგოლ ცირეკიძემ და დუტა ქართველიშვილმა ბრინჯაოს მედლები დაიმსახურეს, კომაროველებმა - ერთი ვერცხლი და ბრინჯაო.
სკოლის დირექცია, პედკოლექტივი და სკოლის ყველა გულშემატკივრი მოსწავლეებს ამ დიდ წარმატებას ულოცავენ და იმედოვნებენ, რომ უფრო დიდ გამარჯვებებსაც მალე მიულოცავენ.
იხილეთ ფოტო:
