ირაკლი აბაშიძის სახელობის ქალაქ ხონის N3 საჯარო სკოლის ქართული ენისა და ლიტერატურის მასწავლებელს და სკოლის სასწავლო ნაწილის გამგეს - ვერა ხობუას „საქართველოს დამსახურებული მასწავლებლის წოდება“ მიენიჭა!
„ღირსეულად გავლილი ცხოვრების გზა სიცოცხლისა და არსებობის გვირგვინია. ჩემი ცხოვრების ყველაზე დიდ გვირგვინად კი იქცა დამსახურებული მასწავლებლის წოდების მონიჭება. უჩვეულო იყო მოულოდნელი სიხარულის განცდა,დაუვიწყარი დღის გახსენებაც კი მიჭირს,იმდენად დიდი იყო ემოცია...
თითქმის ნახევარი საუკუნის მოგონებები გაცოცხლდა იმ რამდენიმე წუთში.სევდიანი ღიმილით მოვიხედე უკან,გასავლელად რა გრძელი და ძნელია ცხოვრების გზა, გასახსენებლად კი რა მოკლე... გამახსენდა მასწავლებლობის პირველი დღე, რა სიხარულით მივდიოდით მამა-შვილი მშობლიური სკოლისაკენ, გზა მასწავლებლობიდან დირექტორობამდე ჯერ ხონის მე-2 საჯარო, შემდეგ კი მესამე საჯარო სკოლაში“, - წერს ვერა ხობუა.
სკოლა თავის ღვაწლმოსილ პედაგოგს დამსახურებულ ჯილდოსა და დაბადების დღესაც ულოცავს.
„ქალბატონმა ვერა მთელი თავისი განვლილი ცხოვრებაპირნათლად ემსახურება მასწავლებლის ურთულეს და უკეთილშობილეს პროფესიას! ჯილდოც,უდავოდ,დამსახურებულია!
სიყვარულით ვულოცავთ მას და ვუსურვებთ ჯანმრთელობას,რათა კვლავაც ღირსეულად ემსახუროს მომავალი თაობების აღზრდის კეთილშობილურ საქმეს!“,- აღნიშნავენ სკოლაში.
