თბილისის N90 საჯარო სკოლის პედაგოგი თეა გოგაძე მათემატიკის საუკეთესო დამწყებ მასწავლებლად აღიარეს
19-07-2021
თბილისის N90 საჯარო სკოლის მათემატიკის მასწავლებელი თეა გოგაძე მასწავლებელთა აღიარების რეგიონული კონკურსის ერთ-ერთი გამარჯვებული გახდა.
კერძოდ, ის მათემატიკის საუკეთესო დამწყებ მასწავლებლად აღიარეს.
გამარჯვებულთა დაჯილდოვების ცერემონიალზე კუთვნილი ჯილდო თეა გოგაძეს საქართველოში ამერიკის შეერთებული შტატების ელჩმა კელი დეგნანმა პირადად გადასცა.
მასწავლებლის აღიარების ჯილდო USAID-ის საქართველოში განათლების სისტემის გაძლიერების ძალისხმევის შედეგია. ეს გახლავთ USAID-ის პროგრამის ნაწილი, რომელიც გულისხმობს დაწყებითი და საბაზისო განათლების ხელშეწყობასა და განვითარებას.
სკოლის დირექცია და პედკოლექტივი ულოცავს თეა გოგაძეს დამსახურებულ გამარჯვებას.
იხილეთ ფოტოები:
სკოლების სიახლეები
