გაიცანით, აბაშის მუნიციპალიტეტის კონსტანტინე გამსახურდიას სახელობის სოფელ ძველი აბაშის საჯარო სკოლის ნიჭიერი მოსწავლეების რუბრიკაში სამი წარმატებული მოსწავლე: ნინო ხორავა, სალომე ნადარეიშვილი და ლიზი მაცაბერიძე.
მოსწავლეებმა არაერთგზის ასახელეს სკოლა და აბაშის ხელოვნების სკოლა თავიანთი წარმატებული გამოსვლებით.
ნინო ხორავამ 20-25 მარტს გამართულ მე-7 ონლაინ კონკურსზე „წლის ნორჩი ვირტუოზები“ I ადგილი დაიმსახურა, ხოლო სალომე ნადარეიშვილმა II ადგილი.
ნინო ხორავამ, სალომე ნადარეიშვილმა და ლიზი მაცაბერიძემ 19 აპრილს მონაწილეობა მიიღეს კლასიკური მუსიკის მე-14 ეროვნული კონკურს-ფესტივალში „მომავლის ვარსკვლავები“, სადაც ნინო ხორავამ ლაურეატის საპატიო ტიტული დაიმსახურა, ხოლო სალომე ნადარეიშვილი და ლიზი მაცაბერიძე დიპლომანტები გახდნენ.
ასევე, მათ 1 ივლისს მონაწილეობა მიიღეს დასავლეთ საქართველოს ხელოვნების ფესტივალში, რომელიც ტარდება სრულიად საქართველოს კათალიკოს-პატრიარქის ილია-II-ის პატრონაჟით. მოსწავლეები საპატიო დიპლომებით დაჯილდოვდნენ.
ძველი აბაშის საჯარო სკოლა ამაყობს საკუთარი მოსწავლეებით და იმედოვნებენ, კიდევ არაერთხელ ასახელებენ მშობლიურ სკოლას და კუთხეს.
იხილეთ ფოტოები:
