გორის მუნიციპალიტეტის პატარა გარეჯვრის საჯარო სკოლის მე-4 კლასის მოსწავლეები პირველ დამრიგებელს, თინათინ კოვზიაშვილს დაემშვიდობნენ და სასწავლო წლის დასრულება ღონისძიებით აღნიშნეს.

სკოლის ადმინისტრაციის ინფორმაციით, პატარებმა პანდემიის პირობებში მცირე ღონისძიება სკოლის ღია ტერიტორიაზე მოაწყეს. მოსწავლეებმა დამრიგებელს ყვავილები მიართვეს და მასთან ერთად სამახსოვრო ფოტოები გადაიღეს.

მოსწავლეებს სიტყვით მიმართა მათმა პირველმა დამრიგებელმა, თინათინ კოვზიაშვილმა და სკოლის სხვა პედაგოგებმა, რომლებმაც პატარებს ცხოვრების ახალ საფეხურზე წარმატებები უსურვეს.

იხილეთ ფოტოები: