პანდემიის გამო, საქართველოს საგანმანათლებლო სისტემა არაერთი გამოწვევის წინაშე დგას. არც ისაა მარტივი, ასეთ ვითარებაში საკუთარ პროფესიას ბოლომდე უერთგულო, თუმცა, ჩვენი პედაგოგები დგანან განათლებული მომავალი თაობების აღზრდის სადარაჯოზე და პროფესიულ წინსვლაზე ორიენტირებულები, თავს არ ზოგავენ - მოსწავლეებს მისცენ ხარისხიანი განათლება. სწორედ ასეთი თავდადების მაგალითია გურამ უჯმაჯურიძის სახელობის, ჩოხატაურის მუნიციპალიტეტის, ბასილეთის საჯარო სკოლა. სასწავლო წლის დასრულებამდე მოსწავლეები ჩართულები იყვნენ სასკოლო ცხოვრებაში, საგაკვეთილო პროცესში და სხვადასხვა აქტივობასაც დიდი წარმატებით ახორციელებდნენ.
მე-8 კლასში ფრანგულ ენაში, ვიქტორ ჰიუგოს ნაწარმოების - Les miserables შესწავლის შემდეგ მოსწავლეებმა დაამზადეს ფილმის აფიშა და ნახეს ფრანგულ ენაზე ფილმი. რის შემდეგაც ისაუბრეს ფრანგულ ენაზე, განიხილეს ფილმის სიუჟეტი და მთავარი პერსონაჟები. აქტივობა ბასილეთის საჯარო სკოლის მოსწავლეებისთვის მეტად საინტერესო და შემეცნებითი აღმოჩნდა.
იხილეთ ფოტოები:
