რომანეთის საჯარო სკოლის პედაგოგები პროფესიულ წინსვლაზე ზრუნავენ
07-07-2021
2020-2021 სასწავლო წელი მიიწურა; იყო ბევრი გამოწვევა - დისტანციური სწავლება, ჰიბრიდული მოდელი, წერტილოვანი შეზღუდვები, მაგრამ მთავარი ისაა, რომ სასწავლო პროცესი შედგა და სკოლებიც ეროვნული სასწავლო გეგმით გათვალისწინებულ შედეგებზე გავიდნენ.
პედაგოგებს კი, რომლებიც დგანან განათლებული მომავალი თაობების აღზრდის სადარაჯოზე და პროფესიულ წინსვლაზე არიან ორიენტირებულები, თავი არ დაუზოგავთ - მოსწავლეებისთვის მიეცათ ხარისხიანი განათლება.
ვანის მუნიციპალიტეტის, რომანეთის საჯარო სკოლა, ისევე როგორც ყოველთვის, წელსაც მოწოდების სიმაღლეზე აღმოჩნდა - სწავლა აქტიურად და არსებული რეგულაციების დაცვით წარიმართა, რა თქმა უნდა, მოსწავლეების ჩართულობით სასკოლო ცხოვრებაში, საგაკვეთილო პროცესსა თუ სხვადასხვა აქტივობაში.„ვანის მუნიციპალიტეტის სოფელ რომანეთის საჯარო სკოლაში ორი პედაგოგი მარიზა ხურციძე გადის უნარებისა და ისტორიის გამოცდაზე, პარმის ჭანტურიძე გადის გეოგრაფიისა და უნარების გამოცდაზე. სკოლა უსურვებს მათ წარმატებებს“, - აღნიშნულია სკოლის მიერ გავრცელებულ ინფორმაციაში.
სკოლების სიახლეები
