ახმეტის მუნიციპალიტეტის სოფელ მატნის N1 საჯარო სკოლის ეკოკლუბი - „მარგალიტები“ მასშტაბური გარემოსდაცვითი კონკურსის - „ნიკო კეცხოველის პრემია 2021“ ნახევარფინალშია.

სკოლის გარემოსდაცვითი საკითხებით დაინტერესებული მოსწავლეები კონკურსში აქტიურად არიან ჩართულნი და მის ფარგლებში ეკოლოგიური პრობლემების გამოვლენა-მოგვარებაში მონაწილეობენ. კლუბმა კონკურსში 890 ქულა დააგროვა.

სასკოლო გარემოსდაცვით კონკურსი „ნიკო კეცხოველის სასკოლო პრემია” CENN-ის მიერ, 2015 წლიდან, ავსტრიის განვითარების თანამშრომლობის ფინანსური მხარდაჭერით ტარდება. კონკურსის თანაორგანიზატორები არიან გარემოს დაცვისა და სოფლის მეურნეობის, განათლების, მეცნიერების, კულტურისა და სპორტის სამინისტროები და საქართველოს პარლამენტი.