ქართულ-ამერიკული სკოლა „პროგრესის“ ბათუმის ფილიალის მეექვსე კლასის მოსწავლეებმა, ბიზნეს უნარების პედაგოგის, თეონა ჭაღალიძის ხელმძღვანელობით, გამოფენა-გაყიდვა გამართეს, სადაც თავიანთი შექმნილი ხელნაკეთი ნივთები გაყიდეს, შეგროვებული თანხით კი ისინი გაჭირვებულ ოჯახს დაეხმარებიან.

აღნიშნული აქტივობა მიზნად ისახავს მოსწავლეებში სამეწარმეო უნარჩვევების გამომუშავებასა და პრაქტიკაში დანერგვას. 

„პროგრესელებისთვის“ სიკეთის კეთებით გამოწვეული სასიამოვნო განცდა უცხო არ არის, ჩვენმა მოსწავლეებმა ზუსტად იციან, რომ სიკეთე ნიშნავს პიროვნულ ზრდას, განვითარებას, შესაბამისად, ყოველთვის ცდილობენ თავიანთი მოკრძალებული წვლილი შეიტანონ ამ ყველაფერში“, - აღნიშნავს სკოლის წარმომადგენელი.

იხილეთ ფოტოები