
თელავის მუნიციპალიტეტის სოფელ იყალთოს საჯარო სკოლის ეკოკლუბმა - „იყალთო“ და სიღნაღის მუნიციპალიტეტის სოფელ ძველი ანაგის საჯარო სკოლის ეკოკლუბმა - „ფესვები“ მასშტაბურ გარემოსდაცვით კონკურსში - „ნიკო კეცხოველის პრემია 2021/კახეთი“ წარმატება მოიპოვეს.
აღნიშნული სკოლების ეკოკლუბები კონკურსის ნახევარფინალში პირველ და მეორე ადგილს ინაწილებენ. იყალთოს საჯარო სკოლის ეკოკლუბმა 6,250 ქულა დააგროვა და ნახევარფინალში პირველი ადგილი დაიმსახურა. ხოლო ეკოკლუბ - ფესვები“ 6,200 ქულით მეორე ადგილს იკავებს.
თითოეული სკოლა მოსწავლეთა წარმატებით ამაყობს, მათ წარმატებას უსურვებს და იმედოვნებს, რომ ეკოკლუბელები საზოგადოებაში გარემოსდაცვითი კუთხით ცნობიერების ამაღლებაში საკმაოდ დიდ წვლილს შეიტანენ.
ახალგაზრდული გარემოსდაცვითი კონკურსი - „ნიკო კეცხოველის სასკოლო პრემია“ ქართველი მეცნიერის, მწერლის და ბოტანიკური სკოლის ერთ-ერთი დამაარსებლის ნიკო კეცხოველის პატივსაცემად დაარსდა.
კონკურსის მთავარი მიზანს წარმოადგენს, სკოლის მოსწავლეებს მიაწოდოს ინფორმაცია მდგრადი განვითარების მიზნების შესახებ და დაანახოს საკუთარი ხელით ცვლილებების განხორციელების შესაძლებლობები ბუნებრივი და სოციალური გარემოს გასაუმჯობესებლად.