ზუგდიდის მუნიციპალიტეტის სოფელ ალერტკარის (გრიგოლიშის) საჯარო სკოლაში ახალ ტრადიციას ჩაეყარა საფუძველი. „ვეფხისტყაოსნის“ საჯაროდ კითხვის გამართვის ინიციატივა სკოლის წამყვან მასწავლებელ ლია საჯაიას ეკუთვნის.
ღონისძიებაზე მასწავლებელმა ლია საჯაიამ საჯაროდ ისაუბრა პოემის ლიტერატურულ ღირებულებაზე. მოსწავლეებმა კი წაიკითხეს მათი სასურველი ამონარიდები და წარმოაჩინეს საყვარელი პერსონაჟები.
ასევე გამოიფინა, ბიბლიოთეკის ფონდიდან „ვეფხისტყაოსნის“ სხვადასხვა გამოცემა და მოსწავლეების მიერ შესრულებული პოემის კალიგრაფიული ნამუშევრები.
შეხვედრის დასასრულს, ნორჩი კალიგრაფები მასწავლებელმა სიგელებით დააჯილდოვა.
სკოლის ინფორმაციით, აქტივობა მიზნად ისახავდა მოზარდებში პოემის მნიშვნელობის მეტად გააზრებას. იდეა უკავშირდება 17 ივნისს, „ვეფხისტყაოსნის“ საჯაროდ კითხვის დღეს.
იხილეთ ფოტოები:
