იმერეთში USAID-ის საბაზისო განათლების პროგრამის ფარგლებში, გუდავაძე-პატარკაციშვილის ფონდის მიერ დაფინანსებული „მასწავლებლის აღიარების“ კონკურსის დაჯილდოების ცერემონია გაიმართა. რეგიონის საუკეთესო მათემატიკის მასწავლებლად ირაკლი აბაშიძის სახელობის ხონის N3 სკოლის პედაგოგი, შორენა ქავზინაძე დასახელდა. სკოლის დირექტორი, ვერა ბენიძე, ამ სასიხარულო ამბავს სამადლობელი წერილით გამოეხმაურა, სადაც ქალბატონი შორენას თვისებებსა და შესაძლებლობებზე გაამახვილა ყურადღება:
„ ვერ შევძლებ ამ ბედნიერი და საამაყო წუთების სიტყვებით გადმოცემას. მინდა მადლობა გადავუხადო შორენა მასწავლებელს, დღევანდელი დღის გმირს, რომელიც დარწმუნებული ვარ, ამ წერილს, რომ წაიკითხავს იტყვის: ისეთი არაფერი გამიკეთებიაო. დიახ, ის, რაც კონკურსზე წარვადგინეთ მისი და მისი მოსწავლეების ყოველდღიური ცხოვრებაა, რომელსაც კომპეტენტურმა ჟიურიმ საუკეთესო შეფასება მისცა.
ბოლოს კი, ყველაზე დიდი მადლობა ჩვენს პატარა მეგობრებს, რომლებსაც ისე გაუხარდათ შორენა მასწავლებლის წარმატება, როგორც იმ ორ ადამიანს დღეს გაბრწყინებული თვალებით, რომ შესცქეროდნენ დედას.“ - სკოლის დირექტორი ვერა ბენიძე
იხ. ფოტოები:
