აკადემიკოს ეგნატე ფიფიას სახელობის წალენჯიხის მუნიციპალიტეტის ჩქვალერის თემის საჯარო სკოლის ქართული ენისა და ლიტერატურის მენტორი მასწავლებლის, მარინე კვარაცხელიას ინიციატივითა და ორგანიზატორობით რაიონული კონფერენცია ჩატარდა.
2014 წლიდან წალენჯიხის საგანმანათლებლო რესურსცენტრის მხარდაჭერით მეშვიდე წელია ტარდება მასწავლებელთა რაიონული კონფერენციები. მესამედ კონფერენციის მხარდამჭერია სპმთპ-ის წალენჯიხის რაიონული ორგანიზაციაც. კონფერენციის ინიციატორი და ორგანიზატორია აკადემიკოს ეგნატე ფიფიას სახელობის ჩქვალერის თემის საჯარო სკოლის ქართული ენისა და ლიტერატურის მენტორი მასწავლებელი მარინე კვარაცხელია. პანდემიის გამო კონფერენცია მეორედ ჩატარდა დისტანციურ რეჟიმში. ტექნიკური ორგანიზატორი გახლავთ ხათუნა შედანია, წალენჯიხის N5 საჯარო სკოლის ისტორიის წამყვანი მასწავლებელი.
მე-7 რაიონული კონფერენცია ჩატარდა 2021 წლის 16 ივნისს. კონფერენციაზე წარმოდგენილი იყო 15 საუკეთესო მოხსენება. მომხსენებლები დაჯილდოვდნენ სერტიფიკატებითა და სუვენირებით. კონფერენციას ესწრებოდნენ: ლირა ღურწკაია - წალენჯიხის საგანმანათლებლო რესურსცენტრის უფროსი ლირა ღურწკაია, თამარ კაკაჩია - სპმთპ-ის წალენჯიხის რაიონული ორგანიზაციის თავმჯდომარე.
იხილეთ ფოტოები:
