9-11 ივნისს წალკის სპორტული სკოლის ორგანიზებით, წალკის ღია პირველობაზე, მინი-ფეხბურთის შეჯიბრი ჩატარდა, რომელშიც მე-3 და მე-4 კლასის მოსწავლეები მონაწილეობდნენ.

ტურნირში წალკის მუნიციპალიტეტის რვა საჯარო სკოლის გუნდი მონაწილეობდა. ეს სკოლებია: გუმბათის, კიზილქილისას, ავრანლოს, საყდრიონის, თრიალეთის, ხარების, დაშბაშისა და ბეშთაშენის.

• პირველი ადგილი - სოფელი გუმბათი;
• მეორე ადგილი - სოფელი თრიალეთი;
• მესამე ადგილი- სოფელი კიზილქილისა.

გამარჯვებული გუნდები ზვიად შენგელიამ, მაიზერ გვიჩიანმა და ჯაბა აბულაძემ დააჯილდოვეს.

„ჩვენს ფეხბურთელებს ძალიან დიდი წარმატებას ვუსურვებთ!“ - აღნიშნეს სკოლების წარმომადგენლებმა.