ქუთაისის N21 საჯარო სკოლის 4 მოსწავლე პროექტში „მომავალ მეწარმეთა სკოლა“ აქტიურად ჩაერთო. ესენი არიან: მარიამ ნუცუბიძე (X^გ კლასი), ნინი კუბლაშვილი (X^გ კლასი), რატი გრძელიშვილი (X^ბ კლასი) და გიორგი ქავთარაძე (IX კლასი).

„მომავალ მეწარმეთა სკოლის“ მონაწილეებს სასწავლო მასალა და სერტიფიკატები გადაეცათ.

პროექტის მიზანი იყო ახალგაზრდებში მეწარმეობის უნარების განვითარება და სრულყოფა. 

მოსწავლეებმა სიამოვნებით მოისმინეს თემები: 

• ბიზნეს პროექტი და მისი მნიშვნელობა, ძირითადი ეკონომიკური პრინციპები. 
• სამეწარმეო რესურსები და ურთიერთობა მომხმარებელთან.
• გადასახადები და რეგულაციები. 
• სამეწარმეო სფეროები და ქართული ბიზნეს-სექტორის სტატისტიკა. 
• მსოფლიო ეკონომიკა და საქართველო - იმპორტ-ექსპორტის სტატისტიკა.

სასწავლო მოდული 14-საათიან სწავლებას გულისხმობდა და მოიცავდა როგორც თეორიულ, ასევე პრაქტიკულ სწავლებას.

პროექტის ორგანიზატორები იყვნენ: 
• ახალი ეკონომიკური სკოლა - საქართველო;
• სულხან-საბა ორბელიანის უნივერსიტეტი, საქართველო;
• ფრიდრიხ ნაუმანის ფონდი თავისუფლებისთვის, გერმანია.

იხილეთ ფოტოები