ერთიანი ეროვნული გამოცდების პირველ გამოცდაზე კორონავირუსის დადასტურების გამო ოცამდე აპლიკანტი არ გადის.

შეფასებისა და გამოცდის ეროვნული ცენტრის დირექტორის, სოფიო გორგოძის განცხადებით, დაავადებათა კონტროლის ეროვნული ცენტრის მიერ გამოცდების ცენტრისთვის მიწოდებული ინფორმაციის მიხედვით, ოცამდეა იმ აბიტურიენტების რაოდენობა, რომლებიც პირველ გამოცდაზე კორონავირუსის დადასტურების გამო ვერ გადიან.

გორგოძის განცხადებით, ცენტრი უახლოეს დღეებში გადაწყვეტს, როდის ჩაუტარდებათ დაინფიცირებულ აბიტურიენტებს პირველი გამოცდა.

დღეს აბიტურიენტები ქართული ენისა და ლიტერატურის გამოცდას ჩააბარებენ. გამოცდა ორ სესიად ჩატარდება.