რევაზ მუმლაძის სახელობის ზესტაფონის N7 საჯარო სკოლაში ტექნოლოგიების კლუბმა, რომელიც პროექტის - “Youth Tech Clubs Network - ახალგაზრდული ტექნოლოგიური კლუბების ქსელის“ ფარგლებში შეიქმნა,  ფუნქციონირება დაიწყო.

მოსწავლეები ამ ეტაპზე შეისწავლიან პროგრამირების ენას - Python. ისინი საკმაოდ კარგად ეუფლებიან პროგრამირების საწყისებს. უკვე დაიწყეს მარტივი პროგრამების წერა.

ჯგუფის ტრენერია ინფორმატიკის ინჟინერიის დოქტორი ლაშა გავაშელაშვილი. კლუბის ხელმძღვანელი - მათემატიკისა და კომპიუტერული ტექნოლოგიების მასწავლებელი ნინო ჭიპაშვილი.

შეგახსენებთ, რომ პროექტი 3-წლიანია და ხორციელდება „ევროკავშირი საქართველოსთვის“ დაფინანსებითა და მხარდაჭერით, ილიას სახელმწიფო უნივერსიტეტის, #GITA-ს, ICT კლასტერისა და ინოვაციური განათლების ფონდის (IEF) ერთობლივი თანამშრომლობით.

კლუბის წევრი მოსწავლეები შეძლებენ მნიშვნელოვანი ტექნოლოგიური უნარების დაუფლებას. მიიღებენ მონაწილეობას ვორკშოპებში, ტრენინგებში, შეჯიბრებებში და სხვა აქტივობებში, რომლებიც ბენეფიციარი სკოლებისთვის დაიგეგმება.

იხილეთ ფოტოები: