რა აძლევს მოტივაციას, რა არის განვითარებისთვის მნიშვნელოვანი და რას ნიშნავს ძლიერი სკოლა - ამ და სხვა საინტერესო თემაზე დიმიტრი ყიფიანის სახელობის ხაშურის მუნიციპალიტეტის სოფელ ქვიშხეთის საჯარო სკოლის დირექტორი მანანა ბასიაშვილი გვესაუბრება:

- სასწავლო წლის დასრულება ყოველთვის. . .

- არის განვლილი წლის შეჯამების, შეფასების, გადაფასების, ამავდროულად, ახალი სასწავლო წლის დაგეგმვის პერიოდი...

- ძლიერი სკოლა ნიშნავს. . .

- პროფესიონალ პედაგოგებს, წარმატებულ მოსწავლეებს, სკოლის ცხოვრებაში აქტიურად ჩართულ მშობლებს, თემს. სკოლას, რომელშიც არის თანამშრომლობის კულტურა, სიახლეების ძიება, მუდმივი განვითარება, მტკიცე მატერიალურ-ტექნიკური ბაზა.

- გამორჩეულად მახსენდება სკოლის . . .

- წარმატებები, პროექტები, რომლებშიც აქტიურად არიან ჩართულნი და იმარჯვებენ ჩვენი მოსწავლეები. „ეტალონის“ პროექტშიც ორჯერ მოიპოვეს გამარჯვება.

- ოჯახის მხარდაჭერა საჭიროა. . .

- და აუცილებელი, მოსწავლის წარმატებებისთვის.

- მოსწავლისთვის სამაგალითოა. . .

- პირველ რიგში მშობელი, შემდეგ მასწავლებელი და სკოლის ყველა თანამშრომელი, კარის კაცით დაწყებული, დირექტორით დამთავრებული.

- დირექტორის მოტივაციაა. . .

- იყოს წარმატებული სკოლის ლიდერი.

- განვითარებისთვის მნიშვნელოვანია. . .

- საქმისადმი ერთგულება, სიყვარული და უდიდესი პასუხისმგებლობა.