თბილისის N192 საჯარო სკოლაში პროექტი - „გავუფრთხილდეთ დედამიწას!“ განხორციელდა. პროექტის ფარგლებში მოსწავლეებმა და პედაგოგებმა სკოლის ეზოში ყვავილები და ნერგები დარგეს, მწვანე სივრცეები მოაწყვეს და სკოლის ფასადი მოხატეს.
„ასე ლამაზ და ფერად ფერებში დავასრულეთ პროექტი - „გავუფრთხილდეთ დედამიწას!“
ნარგავებითა და ყვავილებით გავალამაზეთ სკოლის ეზო, მოვაწყვეთ მწვანე სივრცეები, მოვხატეთ სკოლის ფასადი. ერთმანეთის სიყვარულით, დირექციის აქტიური ჩართულობით და მხარდაჭერით შევქმენით სასიამოვნო გარემო. იდეა ეკუთვნის მე-8გ კლასის მოსწავლეებს, რომელთა საქმიანობა მისაბაძი გახდა სკოლის სხვა კლასებისთვისაც.
ჩვენი დევიზია - „გააკეთე ჩვენთან ერთად, გააკეთე ჩვენზე უკეთ!“
მადლობა, პროექტში მონაწილე თითოეულ მოსწავლეს“,- აღნიშნულია სკოლის მიერ მოწოდებულ ინფორმაციაში.
იხილეთ ფოტოები:
