ქედის მუნიციპალიტეტის სოფელ დოლოგნის საჯარო სკოლის მოსწავლეები „ახალი სკოლის მოდელის“ ფარგლებში ჩატარებულ პროექტში - „ოლიმპიზმი სკოლებში“ მონაწილეობდნენ. პროექტში აქტიურად ჩაერთვნენ როგორც სკოლის მოსწავლეები, ასევე სპორტის მასწავლებელი მერი ჯაფარიძე.
მონაწილეებმა ნახატების კონკურსისთვის ნამუშევრები შექმნეს, სადაც ოთხ მოსწავლეს: ანა ნიკოლაშვილს, ალეხანდრო ღოღაძეს, ქეთევან ბედინაძესა და ქრისტინა დოლიძეს ფიზიკური აღზრდის და სპორტის ექსპერტმა ედუარდ ნაკაიძემ კონკურსში აქტიური მონაწილეობისათვის სერტიფიკატი გადასცა.
2020-2021 სასწავლო წლის მიწურულს, საქართველოს მაშტაბით, „ახალი სკოლის მოდელში“ ჩართულ 600-მდე სკოლაში სასკოლო პროექტი - „ოლიმპიზმი სკოლებში“ ჩატარდა.
პროექტი ჩატარდა სამი მიმართულებით: სპორტული ვიქტორინა, ნახატების (ფერწერა, გრაფიკა) კონკურსი და სასწავლო პროექტის კონკურსი.
პროექტის მიზანი იყო ახალგაზრდებში ჯანსაღი ცხოვრების წესის პოპულარიზაცია.
იხილეთ ფოტოები
