ამბროლაურის N2 საჯარო სკოლის მოსწავლეებმა საქართველოს ჩემპიონატზე წარმატებით იასპარეზეს
22-06-2021
ამბროლაურის N2 საჯარო სკოლაში ჯანსაღი ცხოვრების წესის პოპულარიზაციას აქტიურად ეწევიან და მოსწავლეების სპორტით დაინტერესებას წარმატებით ახერხებენ. ბავშვებს სპორტული მიღწევები კი ნამდვილად აქვთ საამაყო. სკოლის სპორტსმენებს ერთ-ერთი წარმატებული გამოსვლა სულ ახლახანს ჰქონდათ.
ამბროლაურის სასპორტო სკოლის KUDO-ს გუნდმა წარმატებით იასპარეზა 13 ივნისს, ამბროლაურში ჩატარებულ საქართველოს ჩემპიონატზე კუნგ-ფუში.
წარმატებული სპორტსმენები არიან: სალომე კილასონია; ვასილ დვალაძე; ნიკოლოზ მურუსიძე; გუგა დარახველიძე; თენგო გოგოლაძე; ლუკა დარახველიძე და ნიკოლოზ შერმაზანაშვილი. გუნდის მწვრთნელი გახლავთ: დავით დუშუაშვილი.
ამბროლაურის N2 საჯარო სკოლა KUDO-ს ულოცავს წარმატებულ გამოსვლას და მომავალშიც ბევრ გამარჯვებას უსურვებს.
სკოლების სიახლეები
