წყალტუბოს მუნიციპალიტეტის სოფელ ფარცხანაყანევის N1 საჯარო სკოლის V კლასის მოსწავლე ანდრო ჭეიშვილმა ძალოსანთა ღია პირველობაზე წარმატება მოიპოვა. სკოლის დირექცია ულოცავს სპორტსმენს მიღწეულ წარმატებას და სპორტულ კარიერაში წინსვლას უსურვებს.

„კიდევ ერთი წარმატება...ზუგდიდში მიმდინარე ძალოსანთა  ღია პირველობაზე (17 წლამდე) გამარჯვებული - პრიზიორები ვაჟთა შორის 37 და 41 კგ. წონით კატეგორიაში გამოვლინდნენ.

37 კგ წონით კატეგორიაში პირველი საპრიზო ადგილი ჩვენი სკოლის V კლასელმა ანდრო ჭეიშვილმა დაიკავა.  

ვულოცავთ ანდროს ამ წარმატებას და ვუსურვებთ მომავალ დიდ წარმატებებს სპორტულ კარიერაში“, - აღნიშნულია დირექციის ინფორმაციაში.

იხილეთ ფოტო