თბილისის N200 საჯარო სკოლის მასწავლებლები დაავადებათა კონტროლის ეროვნული ცენტრის წარმომადგენლებს შეხვდნენ
21-06-2021
2020-2021 სასწავლო წელი მიიწურა; იყო ბევრი გამოწვევა - დისტანციური სწავლება, ჰიბრიდული მოდელი, წერტილოვანი შეზღუდვები, მაგრამ მთავარი ისაა, რომ სასწავლო პროცესი შედგა და სკოლებიც ეროვნული სასწავლო გეგმით გათვალისწინებულ შედეგებზე გავიდნენ.
პედაგოგებს კი, რომლებიც დგანან განათლებული მომავალი თაობების აღზრდის სადარაჯოზე და პროფესიულ წინსვლაზე არიან ორიენტირებულები, თავი არ დაუზოგავთ - მოსწავლეებისთვის მიეცათ ხარისხიანი განათლება.
თბილისის N200 საჯარო სკოლა, ისევე როგორც ყოველთვის, წელსაც მოწოდების სიმაღლეზე აღმოჩნდა - სწავლა აქტიურად და არსებული რეგულაციების დაცვით წარიმართა, რა თქმა უნდა, მოსწავლეების ჩართულობით სასკოლო ცხოვრებაში, საგაკვეთილო პროცესსა თუ სხვადასხვა აქტივობაში.
2021 წლის 20 ივნისს, დაავადებათა კონტროლისა და საზოგადოებრივი ჯანმრთელობის ეროვნული ცენტრის მიერ ჩატარდა შეხვედრა პედაგოგებთან, თემაზე: - „იმუნიზაციისა და COVID-19-ის ვაქცინაციის მნიშვნელობა“. NCDC-ის შეხვედრაში აქტიურად იყვნენ ჩართულნი N200 საჯარო სკოლის მასწავლებლები. შეხვედრა ინფორმაციული და შემეცნებითი იყო.
სკოლების სიახლეები
