ქუთაისის N29 საჯარო სკოლის მესამეკლასელები მასწავლებელმა სახალისო აქტივობებში ჩართო. პატარებმა თამაშით ისეთი მნიშვნელოვანი საკითხები შეისწავლეს, როგორიცაა გრძნობის ორგანოები. მათ სწავლის დროს პირი კანფეტებითაც ჩაიტკბარუნეს.
„- მას, გახსოვთ ადრე კანფეტები რომ აღმოგვაჩენინეთ სიტყვების გროვაში? - მეკითხება ერთ-ერთი მესამე კლასელი სიყვარულიკო, დავეთანხმე მახსოვს-მეთქი და გამოწვევად მივიღე, დავპირდი - მომდევნო ბოლო გაკვეთილი გვაქვს და რაღაცას ისევ მოგიწყობთ-მეთქი...
ვიფიქრე და გადავწყვიტე გრძნობის ხუთი ორგანო გამომეყენებინა თემად და პრაქტიკულად განგვეხორციელებინა შეხედვაც, შეხებაც, ყნოსვაც, გაგონებაც და რაც ყველაზე მეტად ახარებდათ - დეგუსტაციაც.
ვისაუბრეთ, ლექსიკური მარაგი შევივსეთ, სასწავლო ანიმაციასაც ვუყურეთ და რაც მთავარია, კანფეტებიც შევსანსლეთ“, - აღნიშნავს პედაგოგი.
იხილეთ ფოტოები
