ზაფხულში დაგეგმილი გამოცდები ახლოვდება და პედაგოგებიც მეტად ღელავენ. მათი ინტერესიც იმატებს და ყველა კითხვაზე საჭიროა პასუხი მიიღონ, რათა მომზადებულები მივიდნენ საგამოცდო ცენტრში.

მასწავლებლობის მსურველები და მოქმედი მასწავლებლები ერთსა და იმავე ტესტს აბარებენ და თუ განსხვავდება მათი გამოცდა ერთმანეთისაგან? - აპლიკანტის დასმულ შეკითხვას შეფასებისა და გამოცდების ეროვნულმა ცენტრმა უპასუხა.

„ნაეკის“ განმარტება ასეთია:

„პრაქტიკოსი და მაძიებელი პედაგოგების ტესტი იდენტურია. ისინი ერთად და ერთსა და იმავე დღეს გადიან ტესტირებაზე. მათი განაწილება საგამოცდო ცენტრებსა და სექტორებში ხდება შემთხვევითობის პრინციპით“.