ახმეტის N2 საჯარო სკოლაში გარემოსდაცვითი პროექტის წარმატებით განხორციელებისთვის პედაგოგები დაჯილდოვდნენ
ახმეტის N2 საჯარო სკოლა „ითვინინგის“ პროექტებში 2015-2016 სასწავლო წლიდან არის ჩართული.
პროექტში - „დედამიწის მცველები“ აქტიურად მონაწილეობდნენ პედაგოგები - ჟანა ხაჭაპურიძე, ეკა ჭაბუკაშვილი და ნინო ჭიღიტაშვილი.
მასწავლებლებმა მოსწავლეებთან ერთად სკოლაში წარმატებით განახორციელეს პროექტის ყველა აქტივობა და დაჯილდოვდნენ სერტიფიკატებით.
„ახმეტის N2 საჯარო სკოლა მუდამ მზადაა „ითვინინგის“ პროექტებში მონაწილეობის მისაღებად. ეს პორტალი ემსახურება მოსწავლეების ცნობიერების ამაღლებას, ელექტრონული ვებგვერდების გაცნობასა და ქვეყნების დამეგობრებას“,- აღნიშნულია სკოლის მიერ მოწოდებულ ინფორმაციაში.