თბილისის N12 საჯარო სკოლის მოსწავლეებმა მე-4 კლასის წარმატებით დამთავრება ფლეშმობით აღნიშნეს
16-06-2021
თბილისის N12 საჯარო სკოლის IVა კლასის მოსწავლეებმა სასწავლო წლის წარმატებით დასრულება ფლეშმობით აღნიშნეს.
მოსწავლეებმა სკოლაში განვლილი 4 წელი შეაჯამეს და პირველ მასწავლებელს გაწეული შრომისა და ამაგისთვის მადლობა გადაუხადეს. დამრიგებელი მოსწავლეებს დიდი სიყვარულით გამოემშვიდობა და სოციალურ ქსელში მოსწავლეებს ემოციური წერილიც მიუძღვნა.
„წინ ცხოვრების დიდი გზა გაქვთ გასავლელი. ისწავლეთ და იშრომეთ დაუღალავად, იყავით მიზანდასახულნი, არ შეუშინდეთ დაბრკოლებას!
გახსოვდეთ, ყველა გამარჯვება საკუთარ თავზე გამარჯვებით იწყება!
მადლობა დაუვიწყარი 4 წლისთვის IVა კლასის მოსწავლეებს და მათ მშობლებს. მიყვარხართ! ეკა მასწავლებელი“,- წერს პედაგოგი.
იხილეთ ვიდეო:
სკოლების სიახლეები
