ანდრია რაზმაძის სახელობის ქუთაისის N41 ფიზიკა - მათემატიკის საჯარო სკოლის VI^ბ კლასის მოსწავლე ანასტასია გურეშიძე ტაეკვონდოში საქართველოს ეროვნულ ჩემპიონატზე მე-2 ადგილზე გავიდა და საქართველოს კადეტთა ნაკრების წევრი გახდა. დირექცია მოსწავლის შესახებ გვიამბობს:

„ანასტასია გურეშიძე VI^ბ კლასის (დამრიგებელი ფიქრია ჯიმშელეიშვილი) წარმატებული მოსწავლეა, იგი ექვსი წელია აღმოსავლური ორთაბრძოლების ოლიმპიურ სახეობა-ტაეკვონდოში ვარჯიშობს. მწვრთნელი - მამა, რომეო გურეშიძეა.
ამ დროის განმავლობაში ანასტასიამ არაერთი ჯილდო და საპრიზო ადგილი დაიმსახურა, როგორც საქართველოს ჩემპიონატზე, ასევე საერთაშორისო ტურნირებზე. ახლახან, 4,5,6 ივნისს, გამართულ საქართველოს ეროვნულ ჩემპიონატზე იგი მე-2 ადგილზე გავიდა და საქართველოს კადეტთა (მოზარდთა) ნაკრების წევრი გახდა. 

ვულოცავთ ანასტასიას ამ წარმატებას და შემდგომ გამარჯვებებს ვუსურვებთ“, - წერია დირექციის ინფორმაციაში.