2020-2021 სასწავლო წელი მიიწურა; იყო ბევრი გამოწვევა - დისტანციური სწავლება, ჰიბრიდული მოდელი, წერტილოვანი შეზღუდვები, მაგრამ მთავარი ისაა, რომ სასწავლო პროცესი შედგა და სკოლებიც ეროვნული სასწავლო გეგმით გათვალისწინებულ შედეგებზე გავიდნენ.
პედაგოგებს კი, რომლებიც დგანან განათლებული მომავალი თაობების აღზრდის სადარაჯოზე და პროფესიულ წინსვლაზე არიან ორიენტირებულები, თავი არ დაუზოგავთ - მოსწავლეებისთვის მიეცათ ხარისხიანი განათლება.
ჭიათურის მუნიციპალიტეტის, ითხვისის N1 საჯარო სკოლა, ისევე, როგორც ყოველთვის, წელსაც მოწოდების სიმაღლეზე აღმოჩნდა - სწავლა აქტიურად და არსებული რეგულაციების დაცვით წარიმართა, რა თქმა უნდა, მოსწავლეების ჩართულობით სასკოლო ცხოვრებაში, საგაკვეთილო პროცესსა თუ სხვადასხვა აქტივობაში.
„სასწავლო წლის დასრულება ლამაზი ღონისძიებით აღნიშნეს ჩვენი სკოლის აღსაზრდელებმა.იმღერეს,იცეკვეს,ლექსები წაიკითხეს და თბილად დაემშვიდობნენ სკოლას, მასწავლებლებს... წინ კი ზაფხულის არდადეგებია,ყველას ბედნიერ დასვენებას ვუსურვებთ!“ - აღნიშნულია ითხვისის N1 საჯარო სკოლის მიერ მოწოდებულ ინფორმაციაში.
იხილეთ ფოტოები:
