ახალქალაქის მუნიციპალიტეტის ოკამის N1 საჯარო სკოლის მოსწავლეები ფოლკლორულ ფესტივალში მონაწილეობდნენ. მოსწავლეები დამსწრე საზოგადოების წინაშე ლამაზი და სანახაობრივი წარმოდგენით წარდგნენ და ნიჭი და შესაძლებლობები წარმოაჩინეს.
„ფოლკლორულ ანსამბლთა ფესტივალი 2021“ 29 მაისს ქალაქ ახალციხეში გაიმართა.
„ქორეოგრაფ ვანო ბალახაშვილი ხელმძღვანელობით, ჩვენი სკოლის მოსწავლეებმა შეასრულეს ულამაზესი ქართული ცეკვები რის ორგანიზებაშიც მათი ქორეოგრაფი დაეხმარათ და მათი დაუღალავი შრომით და მონდომებით შემოგვთავაზეს ულამაზესი საცეკვაო ნომრები. ფესტივალიდან დაბრუნებული ბავშვები აღფრთოვანებას ვერ მალავდნენ და თავიანთ მშობლებს და ძვირფას ადამიანებს შთაბეჭდილებებს უზიარებდნენ. ისინი ამბობდნენ რომ ეს ძალიან დიდი სტიმული იყო და მომავალშიც დიდი სიამოვნებით მიიღებდნენ მონაწილეობას მსგავს ფესტივალებში და ამისთვის თავიანთი შესაძლებლობების მაქსიმუმს გამოიყენებდნენ“,- აღნიშნულია სკოლის მიერ მოწოდებულ ინფორმაციაში.
იხილეთ ფოტო:
