ქართულ-ამერიკული სკოლა „პროგრესის“ ბათუმის ფილიალის დირექტორი ნანა ჩარექიშვილი, მეთერთმეტე კლასის მოსწავლეები - მარიამ იაკობაძე და თეა ბედოშვილი და პედაგოგი - ნანა ჭეიშვილი სტუდენტთა და მოსწავლეთა VIII ონლაინ სამეცნიერო კონფერენციაში - „სწავლებისა და აღზრდის აქტუალური პრობლემები“ ჩაერთნენ.
კონფერენცია ბათუმის შოთა რუსთაველის სახელმწიფო უნივერსიტეტის ორგანიზებით გაიმართა.
მოსწავლეები კონფერენციაზე თემით - „იმუნური სისტემის შეცდომები“ და „ბიომრავალფეროვნება სამყაროში“ წარდგნენ.
მათ ხელმძღვანელ ნანა ჭეიშვილთან ერთად დამსწრე საზოგადოებას არაერთი საინტერესო ინფორმაცია წარუდგინეს.
„ქართულ-ამერიკული საერთაშორისო სკოლა „პროგრესის“ ბათუმის ფილიალის დირექცია მადლობას უხდის კონფერენციის ორგანიზატორებს და გამოთქვამს მზაობას, ჩაერთოს მათ მიერ დაგეგმილ ყველა საინტერესო და საჭირო აქტივობაში“,- აღნიშნულია სკოლის მიერ მოწოდებულ ინფორმაციაში.
იხილეთ ფოტოები:
