ფშავლის საჯარო სკოლის მე-4 კლასის მოსწავლეებმა პოეტ, თინათინ მღვდლიაშვილის შემოქმედება წარმოადგინეს
11-06-2021
თელავის მუნიციპალიტეტის სოფელ ფშავლის საჯარო სკოლის მე-4 კლასის მოსწავლეები ღონისძიებით წარსდგნენ დამსწრე საზოგადოების წინაშე.
პატარებმა ლამაზი კომპოზიციური ღონისძიება, კლასის ხელმძღვანელის, ნატა ლეკაშვილისა და მუსიკის მასწავლებლის, ნანა ნონიკაშვილის ხელშეწყობით გამართეს.
ბავშვებმა წარმოადგინეს პოეტის, თინათინ მღვდლიაშვილის ,,სამოთხის გასაღები - ანბანთქება" და „ოცდაცამეტი ოქროს მტევანი - ანბანთქება“.
„პატარები თითოეულ ასოს და მართლაც, სასოებით, სიყვარულით და სიხარულით შეყვარებულ, საოცარ ჩვენს ენა - ქართულს, დამწერლობას - ქართულს, მარცვალ-მარცვალ მოეფერნენ“- ნათქვამია სკოლის ინფორმაციაში.
ღონისძიება სკოლის ეზოში, რეგულაციების დაცვით ჩატარდა.
იხილეთ ფოტოები:
სკოლების სიახლეები
