რასთან ასოცირდება სასწავლო წლის დასრულება? რას ნიშნავს ძლიერი სკოლა? და რა არის მოსწავლისთვის სამაგალითო? - ამ და სხვა საკითხებზე ადიგენის მუნიციპალიტეტის სოფელ აბასთუმნის საჯარო სკოლის დირექტორის - ქეთევან ობოლაშვილის ბლიც-ინტერვიუს გთავაზობთ:

- სასწავლო წლის დასრულება ყოველთვის...

- ამაღელვებელია, რადგან გრძნობ, რომ ყოველი მოსწავლე ასაკთა ზრდასთან კავშირში განათლებით და ცხოვრებისეული გამოცდილებით გაიზარდა. გრძნობ, რომ შენი წვლილიც დევს მასში, რომ შენ, როგორც პედაგოგმა, მიზნობრივად, პატარ-პატარა ნაბიჯებით ატარე თითოეული მოსწავლე ცხოვრების დამოუკიდებელ გზაზე დასადგომად.

- ძლიერი სკოლა ნიშნავს...

- კვალიფიციურ პედაგოგებს, სწავლისთვის მოტივირებულ მოსწავლეებს, სიახლეების მიმღეობისთვის მუდმივ მზად მყოფ ადმინისტრაციას. თბილ გარემოს, თანამშრომლობით ურთიერთობებს, მოსწავლე-მასწავლებლის მეგობრულ დამოკიდებულებებს. სკოლის დამთავრების შემდეგ სრულფასოვანი ქცევითა და ცოდნით  ჩამოყალიბებულ ახალგაზრდებს.

- გამორჩეულად მახსენდება სკოლის...

- ექსკურსიები...რადგან დღევანდელი პანდემიიდან გამომდინარე  მოსწავლეებს ნატვრად ექცათ.. ისინი ხომ გასვლითი ღონისძიების დროს ღრმა ურთიერთობებს ამყარებდნენ თანაკლასელებთან და მასწავლებლებთან ...ერთმანეთის შესწავლა ხდებოდა სასკოლო გარემოს გარეთ.

- ოჯახის მხარდაჭერა საჭიროა...

- ყველაფერში, განსაკუთრებით სწავლაში. 

- მოსწავლისთვის სამაგალითოა...

- მასწავლებელი, მშობელი, მეგობარი...

- დირექტორის მოტივაციაა...

- სწავლა სწავლების მუდმივად განახლებადი პროცესები, მოსწავლეთა წარმატებები, ძლიერი სკოლა და თანამშრომლების გუნდურობა. 

- განვითარებისთვის მნიშვნელოვანია...
 
- სიახლეების ძებნა, გათავისება და სწორად გამოყენება...მიმღეობა და გაცემა თანაზომიერად.