მარტვილის მუნიციპალიტეტის სოფელ ბალდის საჯარო სკოლაში, „ახალი სკოლის მოდელის“ ფარგლებში, პროექტი -„პერმაკულტურა - მულჩი“ წარმატებით განხორციელდა.

პროექტში მონაწილეობდნენ მე-8, მე-9, მე-10 და მე-11 კლასის მოსწავლეები.

პროექტის საფინალო ეტაპზე დაიგეგმა ლაშქრობა ბალდის კანიონებზე.

„მოსწავლეებმა კიდევ ერთხელ დაინახეს და აღიქვეს ბუნების უნიკალური სილამაზე და შესაძლებლობები. დარწმუნდნენ იმაში თუ როგორი მოვლა და გაფრთხილება სჭირდება ბუნებას. ადგილზევე შექმნეს და შეიმუშავეს ბუნებაში ქცევის წესები, როგორც უცხოელი ტურისტებისთვის, ასევე ადგილობრივი დამთვალიერებლებისთვის. დატკბით ბუნების ღირსშესანიშნავი ადგილებით“,- აღნიშნულია სკოლის ინფორმაციაში.