რასთან ასოცირდება სასწავლო წლის დასრულება? რას ნიშნავს ძლიერი სკოლა?  და რა არის მოსწავლისთვის სამაგალითო? - ამ და სხვა საკითხებზე ჭიათურის მუნიციპალიტეტის სოფელ ზედა ჭალოვანის საჯარო სკოლის დირექტორის - მარინა ხვედელიძის ბლიც-ინტერვიუს გთავაზობთ:

- სასწავლო წლის დასრულება ყოველთვის...

- მაფორიაქებს, რადგან ხდება იმ მოსწავლეებთან განშორება, ვისთანაც ერთად წლები გამიტარებია.

- ძლიერი სკოლა ნიშნავს...

- რომელსაც გააჩნია კარგი, როგორც ადამიანური, ასევე მატერიალური რესურსი, რომელთა საშუალებითაც ხდება მომავალი თაობისათვის კარგი განათლების და უნარ-ჩვევების მიცემა, რაც მათ გამოადგებათ, როგორც პიროვნულ, ასევე სამშობლოს კეთილდღეობისათვის.

- გამორჩეულად მახსენდება...

- სკოლის ყოფა-ცხოვრება, როდესაც სკოლა დავასრულე და მომავალი პროფესია, მასწავლებლობა ავირჩიე.

- ოჯახის მხარდაჭერა საჭიროა...

- სკოლის სტრატეგიული განვითარებისათვის.

- მოსწავლისთვის სამაგალითოა...

- კარგი მასწავლებელი. კარგი სკოლა.

- დირექტორის მოტივაციაა...

- დავნერგო სკოლაში ურთიერთპატივისცემაზე დაფუძნებული სასკოლო ურთიერთობები, დავამკვიდრო სკოლაში დემოკრატიული ღირებულებები და პრინციპები.

- განვითარებისთვის მნიშვნელოვანია...

- საკუთარი საქმიანობის კრიტიკულად შეფასება, კონსტრუქციული შენიშვნების გათვალისწინება და გამოყენება.