რასთან ასოცირდება სასწავლო წლის დასრულება? რას ნიშნავს ძლიერი სკოლა? რა არის მოსწავლისთვის სამაგალითო? რა ახსენდება გამორჩეულად? - ამ და სხვა საკითხებზე etaloni.ge ამბროლაურის მუნიციპალიტეტის სოფელ თლუღის საჯარო სკოლის დირექტორის - მარინა გოცირიძის ბლიც-ინტერვიუს გთავაზობთ:

- სასწავლო წლის დასრულება...

- ყოველთვის ემოციურია და დატვირთულია იმ განცდით, თუ რამდენად ნაყოფიერად გაიარა საწავლო წელმა.

- ძლიერი სკოლა ნიშნავს. . .

- უპირველეს ყოვლისა უსაფრთხო გარემოში სწავლისა და სწავლების მაღალ ხარისხს, წარმატებული თაობების აღზრდას.

- გამორჩეულად მახსენდება...

- სკოლის  განვითარებისთვის დაწერილი პროექტების „ილია ჭავჭავაძე“ და „გიორგი ნიკოლაძე“ გამარჯვება, გრანტის მოგება და გაუმჯობესებული სასკოლო გარემო.

- ოჯახის მხარდაჭერა საჭიროა. . .

- ბავშვის სწორად განვითარებისთვის, ცხოვრების მიმართულებისა და ცხოვრების წესის სწორად შერჩევისთვის.

- მოსწავლისთვის სამაგალითოა. . .

- ერუდირებული, განათლებული, ინტელექტუალური, კომუნიკაბელური, საინტერესო ადამიანი.

- დირექტორის მოტივაციაა. . .

- დაუღალავი შრომით მიღებული წარმატებული შედეგი.

- განვითარებისთვის მნიშვნელოვანია. . .

- მუდმივი სწრაფვა უკეთესობისკენ.