5 ივნისი გარემოს დაცვის საერთაშორისი დღეა. ამ დღესთან დაკავშირებით აკაკი წერეთლის სახელობის უნივერსიტეტის ზუსტ და საბუნებისმეტყველო მეცნიერებათა ფაკულტეტის ბიოლოგიისა და ბიოტექნოლოგიის სპეციალობის სტუდენტებმა, ასოცირებული პრიფესორის, მაკა ხეცურიანის ხელმძღვანელობით, უნივერსიტეტის ღია სივრცეში ღონისძიება ჩაატარეს.
„სტუდენტებმა წარმოადგინეს პრეზენტაციები თემებზე:
1. „გარემოს დაცვის საერთაშორისო დღის აღნიშვნა - საზოგადოების პასუხისმგებლობა გარემოს შენარჩუნებისა და გაუმჯობესებისათვის!“
2. „წყალსატევების დაჭუჭყიანება და მათზე ანთროპოგენური ევტროფიკაციის გავლენა“;
3. „შავი ზღვის ეკოლოგიური პრობლემები“.
ღონისძიების მეორე ნაწილში კი აწსუ-ს ღია სივრცეში სტუდენტებმა და ოტია იოსელიანის სახელობის წყალტუბოს N1 საჯარო სკოლის ეკო-კლუბის წევრებმა (ხელმძღვანელი ასოც. პროფესორი ნატალია მანდარია, ეკო-კლუბის ლიდერი XIა კლასის მოსწავლე ანი ხურცილავა) ერთობლივად დარგეს ხეები და კიდევ უფრო დაამშვენეს უნივერსიტეტის ეზო. პარალელურად ბატონ რამაზ კილაძის მიერ ჩატარდა მასტერკლასი მცენარეთა გასხვლა-ვარჯის ფორმირების შესახებ.
მადლობა დღევანდელი დღის ორგანიზატორებსა და ყველა მონაწილეს“, - წერია სკოლის ინფორმაციაში.
იხილეთ ფოტოები
