შუბნის საჯარო სკოლის მოსწავლეებს უნივერსიტეტის სტუდენტმა დამოუკიდებლობის დღესთან დაკავშირებით ლექცია ჩაუტარა
04-06-2021
შუახევის მუნიციპალიტეტის სოფელ შუბნის საჯარო სკოლაში საქართველოს დამოუკიდებლობის დღე აღნიშნეს.
სკოლის 1-ელი-მე-2ა კლასში ბათუმის შოთა რუსთაველის სახელობის სახელმწიფო უნივერსიტეტის სტუდენტმა მზისადარ ბოლქვაძემ ეროვნულ დღესასწაულთან დაკავშირებით საკლასო ღონისძიება ჩაატარა.
„ღონისძიებაზე მოსწავლეებმა წაიკითხეს ლექსები, მზისადარ ბოლქვაძემ პრეზენტაციის სახით მოსწავლეებს მიაწოდა ამ დღის შესახებ ინფორმაცია და ბავშვები ჩართო სხვადასხვა აქტივობაში: უპასუხეს წერილობით კითხვას - თუ როგორ საქართველოში უნდათ ცხოვრება?, გააფერადეს მტრედის ნახატი და დახატეს საქართველოს დროშა. ღონისძიებაზე ერთად მოუსმინეს საქართველოს ჰიმნს. გილოცავთ ყველას 26 მაისს! ეს დღე ჩვენია!“,- აღნიშნულია სკოლის მიერ მოწოდებულ ინფორმაციაში.
იხილეთ ფოტოები
სკოლების სიახლეები
