ესტატე შუშანიას სახელობის ხობის მუნიციპალიტეტის სოფელ პირველი მაისის საჯარო სკოლაში ჭადრაკის კონკურსი „სწორი სვლა“ გაიმართა. 1 ივნისს მოსწავლეები სიგელებით დაჯილდოვდნენ და პედაგოგებისგან რჩევა-დარიგებებიც მიიღეს.
„ბავშვთა დაცვის საერთაშორისო დღეს დავაჯილდოვეთ ბავშვები სიგელებით და ვუსურვეთ, რომ ცხოვრებაშიც ეცადონ აკეთონ სწორი სვლები!
სკოლა უკვე მერამდენე წელია ჩართულია პროექტში „ჭადრაკი სკოლაში“... მე-2-მე-3 კლასელები ეზიარებიან საოცრად ლოგიკური თამაშის საიდუმლოებებს და ცდილობენ, მოყვარულის დონეზე მაინც ფლობდნენ ამ საინტერესო თამაშს.
კონკურსის მიზანი იყო - გამოგვევლინა მოსწავლეები, რომლებიც კონკრეტულ პოზიციებში მიიღებდნენ სწორ გადაწყვეტილებებს!
ბუნებრივია, რომ მეტად იყოჩაღეს მესამეკლასელებმა (დამრიგებელი- დალი თევზაძე):
- გიორგი ლაშქარავა
- ანკა ბუკია
- რატი გაბრავა
- ნინი კვიკვინია
5, ალექსანდრე გაბისონია
მეორეკლასელებში საუკეთესო შედეგი ჰქონდა გიორგი ჩოკორაიას...
კონკურსის ორგანიზებაში დამეხმარნენ სპორტის მასწავლებელი მერაბი ქანდარია და დამრიგებლები - დალი თევზაძე და ლალი ფეტელავა
დაჯილდოების ცერემონიას დაესწრო სკოლის დირექტორი ქალბატონი ცისანა რატია“, - წერია სკოლის ინფორმაციაში.
