შაშიანის საჯარო სკოლის მოსწავლე სანდრო გიორგაძე წერილის წერის კონკურში მონაწილეობისთვის სიგელით დაჯილდოვდა
03-06-2021
გურჯაანის მუნიციპალიტეტის სოფელ შაშიანის საჯარო სკოლის მოსწავლე სანდრო გიორგაძე კონკურსში „მიწერე წერილი ბიბლიოთეკას“ - წარმატებით მონაწილეობდა და მადლობის სიგელიც დაიმსახურა.
„დირექცია ულოცავს ჩვენი სკოლის მე-10 კლასის მოსწავლე სანდრო გიორგაძეს გურჯაანის საბიბლიოთეკო და სამუზეუმო გაერთიანების ინიციატივით გამოცხადებულ კონკურსში „მიწერე წერილი ბიბლიოთეკას“ - წარმატებულ მონაწილეობას და დამსახურებულ მადლობის სიგელს, უსურვებს სამომავლო წარმატებებს.
კონკურსის ორგანიზატორების განცხადებით, შემოსული წერილები აიკინძება ერთ წიგნად და მიმდინარე წლის განმავლობაში დაიბეჭდება. აღნიშნული წიგნი გადაეცემა თითოეულ მონაწილეს“, - წერია სკოლის ინფორმაციაში.
იხილეთ ფოტო
სკოლების სიახლეები
